Hallo Mexico

Er kominn Maí?

2006-05-11T13:58:00.000-05:00

Ég held að það sé jafnvel kominn tími til að færa inn nýja færslu hérna. Enda held ég að það sé kominn einn og hálfur mánuður síðan ég skrifaði eitthvað síðast.

Ferðin sem við fórum í seinnipartinn í mars var bara ágæt. Við fórum á marga staði, t.d. Puebla, San Cristobal, Palenque, Cancún og Veracruz og skoðuðum mikið af rústum, m.a. Tenochtitlan, Palenque, Uxmal, Yaxchilan og Chichen Itza. Einnig var líka (auðvitað) þónokkuð um fyllerí í ferðinni.

Eftir að ég kom úr ferðinni hefur bara eiginlega ekkert verið að gerast. Virkir dagar fara í skólann, og um helgarnar er svona reynt að gera eitthvað, fara í bíó eða koma saman með kunningjum. Ég fór t.d. núna um dagana í bíó með Luis Mario og Jan, að sjá Mission Impossible III. Ég var nú bara nokkuð sáttur við hana. Ekki kannski að segja að þetta sé einhver stórmynd, en mjög góð skemmtun.

Annars held ég að það sé ekki mikið meira sem ég hef að segja í bili.

Kveðja,
Ágúst

Muninn

2006-03-15T16:08:00.000-06:00

Haldið ekki bara að þegar ég kom heim úr skólanum í dag beið Muninn eftir mér á borðinu. Ég byrjaði náttúrulega að lesa strax, yfir matnum. Mjög skemmtileg lesning.

Meira verður þetta nú ekki núna, vildi bara aðeins minnast á þetta.

Kveðja,
Ágúst

Einn póstur áður en ég legg í hann

2006-03-14T16:41:00.000-06:00

Jæja, nú fer bara að koma að því. Tveggja vikna ferðalag um suður-Mexíkó, sem hefst á föstudagskvöld. (Þ.e.a.s. við leggjum af stað frá Durango til Mexíkóborgar þá.)

Annars er bara allt gott að frétta. Voða lítið annað merkilegt að gerast um þessar mundir, skólinn og allt annað bara eins og venjulega. Ég ætla að reyna að setja inn hérna einhverjar myndir frá ferðinni til Morelia, en ég veit ekkert hvort þetta á eftir að ganga upp... við sjáum til.

Þetta er dómkirkjan í Morelia, laugardagskvöldið. Á laugardagskvöldum er kveikt á þessum ljósum smám saman, spiluð tónlist og skotið upp flugeldum, til að draga fólk í miðbæinn og athygli að dómkirkjunni. Mjög stór og tilkomumikil bygging.

Hérna er mynd af mótinu, margt fólk að tefla.

Hérna er mynd af einni af mínum skákum (ég var hvítur).

Fleira fólk að tefla.

Mynd frá Linares-Morelia mótinu. Topalov vinstra meginn. Sé ekki hver hinn er.

Vassily Ivanchuk

Og hér er svo veggmynd úr byggingunni þar sem mótið var haldið.

Jæja, þá verður þetta nú ekki meira í bili, kærar kveðjur heim,
Ágúst.

Kominn aftur

2006-02-24T19:58:00.000-06:00

Heyriði já, það er alveg rétt, ég ætlaði að blogga í gærkvöldi. Ég bara einhvern veginn komst ekki alveg í „gírinn“ og bloggaði þess vegna ekki.

Í rauninni finnst mér hálf þreytandi að vera alltaf að gefa skýrslu um hvað ég hef verið að gera, en ég læt mig nú samt hafa það! Ja... svona einstöku sinnum...

Ferðin til Morelia var bara fín. Mér gekk nú ekkert svo vel í keppninni... endaði með einn og hálfan af sjö. En þó, eins og sagt er, það hefði getað verið verra. Morelia er mjög falleg borg, með mjög stóra og fallega dómkirkju. Ég fékk nú lánaða stafrænu myndavélina hans Luis, þannig að ef ég nenni einhvern tímann að koma þeim inn á tölvuna mættuði svo sem alveg búast við því að það birtist einhverjar hérna á blogginu (ekki það að ég sé að lofa neinu).

Svo var náttúrulega á sama tíma í gangi fyrri helmingur Linares mótsins (og þessi fyrri helmingur stendur reyndar enn yfir þarna í Morelia) og ég sá þessa 8, fékk meira að segja eiginhandaráritanir frá þeim öllum. Þessir 8 eru: Topalov (núverandi heimsmeistari), Sviedler, Leko, Vallejo, Aronian, Bacrot, Radjabov og Ivanchuk.

Ég og Jan vorum þarna með skákkennaranum okkar (Alejandra Guerrero), og hún þekkir Vassily Ivanchuk. Á þriðjudaginn fórum við með henni, Vassily og eiginkonu hans í dýragarðinn í Morelia, sem er heldur stór, gaman að koma þangað. Um kvöldið sátum við síðan uppi á hótelherbergi hjá þeim og drukkum rauðvín. Nú get ég sagt af reynslu, í fullustu alvöru, að Vassily og kona hans eru bæði hálfgeðveik.

Annars ar bara allt gott að frétta, kominn aftur í skólann og svona. Veðrið fínt (ef frekar heitt) og allt bara í góðu lagi.

Kveðja,
Ágúst

Loksins! Loksins!

2006-02-01T14:10:00.000-06:00

Jæja, ætli maður verði ekki að reyna að blogga eitthvað aðeins. Það er nú liðinn smátími síðan síðast...

Það er nú annars allt gott að frétta. Prófin eru búin. Þau gengu nú flest vel, en ég féll í bókmenntum og þarf að taka upptökupróf þann fyrsta mars. Það ætti ekki að verða mikið mál, ef ég bara legg það á mig að læra.

Annars hef ég verið að leggja stund á þá göfugu íþrótt skák þónokkuð upp á síðkastið (Og áður en fólk fer að reyna að vera fyndið, skák ER íþrótt, ekki „hobbí fyrir nörda“).

Semsagt, allt gott að frétta. Í febrúar mun ég fara með Jan og einhverjum mexíkönum til Morelia, sem er mjög falleg "colonial" borg sunnarlega í Mexíkó. Það verður mikið að gerast þar, Opna mexíkanska skákmótið verður í gangi og fyrri helmingurinn af Linares skákmótinu er haldinn þar á sama tíma. Á Linares mótinu spila 8 af sterkustu skákmönnum heims, og Gary Kasparov (sem er hættur að spila) verður við setningarathöfnina.

Ég held að ég láti þetta duga núna, kær kveðja,
Ágúst

PS: Muninn er ekki enn kominn bíð enn í ofvæni.

PPS: Square-Enix er að gefa út Grandia III núna á næstunni... yay!

Úff

2006-01-17T22:40:00.000-06:00

Ahh

Ég ætlaði að skrifa afmælisblogg, en ég er bara alls ekki í skapi til þess. Kannski skrifa ég eitthvað á morgun...

Afsakið

Nýtt ár... held ég

2006-01-05T15:36:00.000-06:00

Jæja, ætli það sé ekki kominn tími á að skrifa eitthvað aftur...

Jólin liðu vel, allt í þessu besta hérna. Ég fór meira að segja í messu á aðfangadagskvöld, en hún var nú heldur langdregnari og óþægilegri heldur en jólamessurnar á Miklabæ.

Ég gerði nú þónokkuð í fríinu. Við Jan tókum þátt í skákmóti fyrir jól, okkur gekk nú ekkert sérlega vel, en annars tókum við bara þátt til að hafa eitthvað að gera. Ég eyddi þónokkrum tíma með Jan í fríinu, við fórum niður í bæ nokkrum sinnum, tefldum, o.s.frv.

Fjölskyldan eyddi bæði aðfangadagskvöldi og nýári með ættingjum sem búa hérna, og á aðfangadag voru líka með okkur ættingjar sem búa í Mexíkóborg, sem voru hérna í Durango mikinn hluta af fríinu.

Skólinn byrjaði aftur 2. janúar, og svo fara prófin að byrja í næstu viku... við sjáum til hvernig það á allt saman eftir að ganga...

Kærar kveðjur,
Ágúst

PS: Takk fyrir að senda Muninn, Sindri. Ég hlakka til að sjá blaðið!

Jólin nálgast

2005-12-11T10:57:00.000-06:00

Jæja

Vá, það er kominn hálfur mánuður síðan ég skrifaði eitthvað. Ég er farinn að mæta í skák eftir skóla. Það er fínt, þá hef ég allavega eitthvað að gera. Jan er líka í því, ég tefli þónokkuð við hann. Við erum álíka góðir, þannig að það er bara fínt.

Á föstudaginn stóðum við í piparkökubakstri. Það gekk nú svona og svona... Það var hvergi hægt að fá sýróp, við fórum út um allt til að vita hvort það væri einhversstaðar hægt að fá sýróp, en án árangurs. Á endanum keyptum við eitthvað karamelludæmi og bara vonuðum að það dygði. En þetta hafðist allt á endanum, og kökurnar urðu góðar.

Við vorum að baka kökurnar af því að það var jólaveisla í gær fyrir okkur AFS krakkana, vini, fjölskyldurnar og kerlingarnar tvær. Þetta var svosem ágætt, þó mér hálfleiðist svona veislur. Reyndar fórum við út í sjoppu og keyptum kassa af bjór, eftir að fullorðna fólkið var farið eða farið að sofa. Ekkert fyllerí, þannig lagað, bara svona aðeins að lífga upp á þetta...

Svo er Narnia að koma í bíó núna, kannski að maður skelli sér. Ég man að ég las bækurnar fyrir hvað... fimm árum? Eða kannski sex... allavega, þá ætti þetta að vera ágætis mynd.

Ég var nú búinn að segjast ætla að koma með mynd af frá þessu dans dæmi. Ég veit ekkert hvort þetta á eftir að virka, en ég skal reyna.

Helgin

2005-11-27T23:12:00.000-06:00

Jæja, þetta dans dæmi.

Málið er það, að þetta er keppni milli bekksagna. Í síðasta mánuði kepptu C bekkirnir, í þessum mánuði kepptu B bekkirnir og í desember keppa svo A bekkirnir. 3 bestu úr hverju ári keppa svo til úrslita í febrúar eða mars.

Í síðasta mánuði vann C7, sem að Jan er í, með 50 stig af 50.

Á föstudaginn var svo komið að okkur í B bekkjunum. Í þriðja sæti varð B4 (bekkur Malene og Isabelle) með 46 stig. Í öðru sæti varð B6 með 47 stig.

Og í fyrsta sæti varð (auðvitað :D) B7, með 48 stig. Ég veit að fullt af fólki lét taka myndir, og ég skal reyna að fá einhverjar og sýna hérna.

Eftir dansinn fór hópur úr bekknum (+Jan) í grill hjá Victor (fullt nafn Victor G. Vela Valenzuela). Þar var grillað nautakjöt og drukkinn bjór, bara gott mál það. Ekki það að ég hafi orðið drukkinn (ja, ég var nú aðeins farinn að finna á mér :P) en ég drakk örfáa bjóra (nákvæm tala verður ekki gefin fram að þessari stundu).

Við Luis vorum nú fyrstir til að kveðja, af því að við þurftum að koma okkur heim. Það var nefnilega fjölskylduferð til Torreon (sem er önnur borg í næsta fylki). Amman býr þar og það var m.a. farið og kíkt á hana. Við gistum þar eina nótt og komur aftur seinnipartinn í gær. Þetta var ágætisferð, góð tilbreyting.

Semsagt, bara búin að vera fínasta helgi (og ég hlakka ekki til að vakna klukkan 6 á morgun :S).

Kveðja,
Ágúst

Hitt og þetta

2005-11-27T22:56:00.000-06:00

Sko, ég ætla aðeins að fara út í nokkra hluti hérna...

1: Skólinn

Skólinn skiptist í tvennt. Fyrst eru það undirbúningsbekkirnir, sem eru A, B og C. Það eru 7 bekksagnir í hverju ári, A1, A2, A3, A4... og svo framvegis. Nemendum er deilt niður eftir stafrófsröð eftirnafna. Í mínum bekk, B7 eru fólk með nöfn eins og Vela, Vega, Velasco, Velasquez, Zuñiga o. s. frv.

Hinn hlutinn er svo brautarskiptur. Það eru reyndar ekki brautir eins og eru heima heldur er til dæmis „lögfræði“, „sálfræði“ og þess háttar.

Við erum 5 skiptinemarnir hérna. Ég og Josefiine (frá Finnlandi) erum í B7 Isabelle (frá franska hluta Kanada) og Malene (frá Noregi) eru í B4 og Jan (frá Þýskalandi) er í C7.

2: Mér er kalt!

Sko, málið er svona: hér er eyðimerkurloftslag, þ.e.a.s. það verður heitt á daginn (+30 °C) og kalt á næturna (1-4 °C). Húsin eru ekki upphituð og það er alls staðar einfalt gler í gluggum. Herbergið mitt er ískalt á morgnanna, og sömuleiðis skólastofan þegar maður mætir í skólann.

Kveðja,
Ágúst

Harry Potter

2005-11-18T21:28:00.000-06:00

Jæja, kominn úr bíó og búinn að éta.

Myndin var ágæt. Hún var betri en sú þriðja, en hún samt einhvernveginn ekki alveg að gera sig. Ég held að bækurnar séu bara einfaldlega of miklar til þess að sé hægt að gera þeim einu sinni hálf-almennileg skil...

Ég býst við að einhverjir eigi eftir að sjá hana, þannig að ég fer ekki nánar út í hana núna, en ég geri það líklega einhverntímann.

Kveðja,
Ágúst

Bleh

2005-11-16T16:40:00.000-06:00

Þessi vika er nú búin að vera svona og svona...

Ég var veikur á mánudag og þriðjudag, með hálsbólgu og vesen, en ég er orðinn góður núna. Svo í dag var dansað aftur, eftir skóla. Ekki nóg með það að það sé þreytandi og framkalli mikinn svita að sprikla svona um í sólinni (já, það er ennþá brennheitt sólskin á daginn), þá held ég að ég eigi eftir að skammast mín það sem eftir er, eftir að við loksins sýnum þetta.

Sýningin er á föstudaginn í næstu viku...

Annað fréttnæmt:

Við skiptinemarnir förum á Harry Potter and the Goblet of Fire á föstudaginn.
Vonandi verður hún betri en sú þriðja...

Knife of Dreams

2005-11-06T18:17:00.000-06:00

Ég kláraði Knife of Dreams í gær. Hún var mjög góð, að mínu mati, miklu betri en Crossroads of Twilight. Hálf leiður yfir að hafa klárað hana... nú hef ég ekkert að lesa.

Á morgun, eftir skóla, byrjar bekkurinn minn að æfa dansatriði sem við munum flytja einhverntímann í næsta mánuði (ég held að það sé eftir 3 vikur, en ég er ekki alveg viss).

Ungh, það á örugglega eftir að verða hundleiðinlegt... :(

Yfir og út,
Ágúst

Farinn að lesa...

2005-11-03T16:21:00.000-06:00

Jæja

Það hefur nú þónokkuð gerst síðan síðast. Á þriðjudaginn stóðum við AFS skiptinemarnir fyrir því að selja "Pan de Muertos", sem er sætt brauð með nokkuð áberandi vanillubragði, þakið í sykri. Undanfarna viku höfðum við gengið í bekkina og tekið pantanir.

Það var enginn skóli í gær, af því að það var dagur hina dauðu. Sá siður að halda upp á þann dag er víst kominn til af gömlum mexíkóskum sið, sem eftir komu Evrópumanna blandaðist kaþólskum hefðum í kring um allra helagra messu.

Ég var nú með einhverja bölvaða pest í gær, hita og leiðindi, en í morgun var mér batnað og ég mætti í skólann eins og venjulega.

Ég fékk pakka frá Amazon í dag. Knife of Dreams er komin!!!

Meira verður þetta nú ekki í þetta skiptið, meira seinna.

Kveðja,
Ágúst

2005-10-25T16:08:00.000-05:00

Daginn,

Það var nú lítið gert síðustu helgi, legið í leti, aðallega.

En á föstudaginn vod¿rum við skiptinemarnir í því að selja tostadas í frímínútum i skólanum. (Tostadas eru tortillur sem hafa verid steiktar og eru því hrökkar). Við vorum með kjúkling, ost, baunir og grænmeti á þeim.

Annars er ekkert að frétta, það er eins hérna eins og oft vill verða heima, lífið verður endurtekning og ekkert merkilegt gerist.

Nýr póstur!!!

2005-10-15T00:24:00.000-05:00

Jæja, ætli það sé ekki kominn tími til að setja eitthvað inn á þetta blessada blogg.

Við eigum víst að vera með einhverja smá kynningu á landinu okkar á föstudaginn, eða svo skilst mér... ég læt vita hvernig það gengur.

Ég held að það sé kominn tími á að kvarta og röfla smá, bara svona til að létta af mér. Til dæmis erum við búin að heyra það að hinir krakkarnir eru að fara í einhverjar ferðir með AFS núna fljótlega. Okkur hérna í Durango stendur ekkert slíkt til boða, nema þá stóra tveggja-vikna ferðin sem verður í febrúar eða mars (Routa Maya). Það er þá helst af því að við erum þau einu sem erum í norðurhluta landsins. Það er heldur ekkert skipulagt fyrir okkur í staðinn, ég býst við því að það sé af því að svæðisdeildin hérna samanstendur af tveimur miðaldra kerlingum...

Svo vorum við í eðlisfræði tilraunastofunni (við fáum einn tilraunatíma í viku fyrir hvert raungreinafag (þ.e. eðlisfræði, efnafræði og líffræði, samtals þrjá tíma) og það eru ekki sömu kennarar sem kenna bóklegt og verklegt) og í verkefnabókinni var spurt af hverju hljóð ferðaðist hraðar í föstu efni heldur en vökva og lofti. Ég sagði að það væri af því að fasta efnið væri þéttara, og því væri auðveldara fyrir sameindirnar að hafa áhrif hvor á aðra, en það var nú ekki rétt svar. Rétta svarið var að sameindirnar væru nær hvor annarri... ... ... ... ...
Hver er bölvaður munurinn, spyr ég nú bara?

Ég hef nú eitthvað aðeins að setja út á stærðfræðikennarann, en ég nenni ekki að fara út í það núna... :P

Annars hef ég bara allt ágætt, ekkert alvarlegt að mér enn sem komið er.

Kærar kveðjur,
Ágúst

Bókmenntir og allt Það...

2005-10-04T18:54:00.000-05:00

Jæja

Allt í góðu með mig, eins og ævinlega. Það er aftur prófavika í skólanum í gangi núna, Það gengur bara sæmilega, held ég.

Í dag lét bókmenntakennarinn okkur skrifa ástarljóð, ugh. Hún sagði að við skiptinemarnir gætum skrifað á ensku, ef við sýndum henni Það og kæmum svo aftur með Það á spænsku á morgun.

Ég ætla að setja Það hérna. Þess skal getið að með Því að lesa lengur heldur en Þessa efnisgrein hefur viðkomandi gert skuldbundinn til Þess að: a) ekki hlæja og b) alls ekki hlæja!

Ehem, hefst nú lestur:

Her love is like the brightest star
that shines in heaven's dome.
And even though I'll wander far,
it'll lead me right back home.

Her voice is like and angel's song
that lifts my spirit high.
I know that with her I belong,
until the day I die.

She is like the dawn of spring,
her beauty fading never.
Oh how I long that she would sing
her songs to me, forever.

And even though on earth all things
must end, none last forever.
Though years have passed us, still she sings
her songs to me, as ever.

And when her loving spirit departs
this earth, where we've abided.
In the heavens, our true lover's hearts
may never be divided.

Fimmtudagskvöld

2005-09-29T21:07:00.000-05:00

Jæja

Það hefur nú ekki mikið gerst síðustu vikuna. Skólinn gengur sinn vanagang og hversdagslífið er... hversdagslegt.

Í dag fór ég og keypri mér hljómborð, svo ég geti spilað eitthvað meðan ég er hérna.

Það er ekki regluleg íÞróttakennsla í Þessum skóla. Hver bekkur fær einn tíma í viku Þar sem krakkarnir geta spilað fótbolta eða blak, eða gert ekki neitt, og Þetta er eina íÞrótta „kennslan“ sem fer fram hérna.

Annars er allt bara ágætt hérna hjá mér.

Kveðja,
Ágúst

Hmm

2005-09-21T19:07:00.000-05:00

Jæja

Hér er allt gott að frétta. Á fimmtudaginn fór ég með Luis og vini hans inn í bæ. Við sáum undirbúningin fyrir ræðuna sem var um kvöldið og svona Það sem var byrjað að gerast í bænum.

Fjölskyldan var hinsvegar öll heima um kvöldið, ég hald að Þau hafi heyrt ræðuna í útvarpinu.

Annars hefur ekki mikið gerst. Skólinn gengur sinn vanagang, Það er víst eitthvað að gerast á föstudaginn, eitthvað íÞrótta-dæmi.

Ég bið að heilsa öllum.

Kveðja,
Ágúst

Þjóðhátíð

2005-09-15T16:03:00.000-05:00

Í dag og á morgun er Þjóðhátíð Mexico. Þá er minnst uppreisnarinnar, sem hófst aðfaranótt 16. september.

Það verður víst Þónokkuð um að vera, og ég veit ekkert hvað ég mun enda með að gera.

Annars er bara allt gott að frétta, ekkert vesen eða neitt

Kveðja,

Jaeja

2005-09-13T15:02:00.000-05:00

Það er nú kominn smá tími síðan ég setti inn síðast, Þannig að nú er kannski tímabaert að gera eitthvað...

Nú er 4. skólavikan hjá mér byrjuð (og mér skilst að nú sé skólasetning hjá MA í dag). Það er prófavika núna (próf eru aðra hverja viku) og í dag var enska, sem gekk bara vel.

Lífið hérna er búið að vera gott, veðrið hefur verið fínt (en frekar heitt, fyrir minn smekk) og fólkið er allt saman mjög almennilegt.

Ég vona að allir hafi Það gott heima á klakanum.

Grill

2005-09-05T02:20:00.000-05:00

Jaeja, nú eru komnar tvaer vikur.

Það er búið að vera ágaett hérna. Núna áðan vorum viðd að grilla, nágrannarir komu til að bjóða mig velkominn. Hérna eru öll gólf flísalögð og fólk gengur í skónum inni allan daginn. Ég og Luis fórum í heimsókn til Miguels á föstudaginn og horfðum á Blade 3... hún var ágaet svosem...

Endilega kvittiði og segið hvað er að gerast heima.

Thannig var nú thad

2005-08-29T23:36:00.000-05:00

Jaeja

Ég var í tveimur prófum í dag, bókmenntum og efnafraedi. Efnafraedin gekk bara vel, ég skildi spurningarnar og gat alar nema eina, en bókmenntirnar... vid skulum bara láta ósagt um thad...

Fólkid mitt fór í kirkju í gear, en ég fór ekki, ég hef einhvernveginn voda lítinn áhuga á ad maeta í kathólska kirkju. Thad var samt merkilegt, á fostudaginn voru litlar athafnir í skólanum, tveir og tveir bekkir í einu, messad í lítilli kapellu og nokkrir gengu altarisgongu.

Vid fórum líka í innkaupaferd í gaer, í stóra matvoruverslun, og vid alla kassa var fólk sem stód og setti í poka fyrir mann, fyrir vaegt thjórfé. Stórmerkilegt alveg hreint.

Meira sídar (og ég hata enn ad hafa ekki séríslensku stafina..),
Ágúst

Nýir stadir, nýjar upplifanir

2005-08-23T21:20:00.000-05:00

Jaeja (ég hata ad hafa ekki séríslensku stafina)

Ég kom hingad í fyrradag, fólkid er allt voda almennilegt. Ég maetti í skólann í gaer og í dag. Hann er allt odruvísi en their eru heima á Íslandi. Vid sitjum á litlum járnstólum og thad er armur med litlu járnbordi fastur vid stólinn. Skólinn er frá 7-2 alla virka daga. Ég er nú búinn ad sjá margt nýtt, eins og t.d. 600 ml kókflosku. Thad er ágaett ad vera hérna hjá thessari fjolskyldu, ég er med sérherbergi med stóru rúmi, en thad verdur svo heitt á naeturna ad fólk notar viftur ti ad kaela sig nidur á naeturnar. Vid erum 5 skiptinemar hérna í Durango (sem er stórt théttbýlissvaedi med +300,000 íbúa), ég og einn thýskur strákur og svo stelpúr frá Kanada, Finnlandi og Noregi.

Ég laet thetta duga í bili, skrifa meira seinna.

P.S: ég tharf ad fara ad senda thessa slód til kunningja minna...

Fyrsta innlegg...

2005-08-16T12:00:00.000-05:00

Jæja, nú fer þetta allt að bresta á...

Ég fer suður á morgun og svo er flogið til New York a fimmtudaginn kl 16.45 frá Keflavík. Á föstudaginn er svo JFK - Miami - Mexico City. Þetta verður nú stutt í dag, ég þarf að fara að klára að pakka...